Navigation
Home
Members
Location of Mizoram
YMA's Charter
Profile of YMA
YMA History
Constitution
Chhiatni Kaihhruaina
Office Bearers 1935 - 1964
Office Bearers 1964 - 1999
Office Bearers 1999 - 2015
Central Executive Commt.
Division of Committee
Sub-Headquarters
Groups
Branches
Aizawl City Branches
Conference
General Conference
Gen. Conference Minute
MOU
YMA & SSA
Magazine
YMA Chanchinbu
Souvenir (Zawlbuk)
Other Publications
Mizo Customary Law
News
Dan leh Hrai
Disaster Volunteer Paper
Inthlan Thuchah
Music Video
Other Links
Feedback
Mizo Rimawi
Mizo Incheina
Jokes
Fiamthu
Submit Fiamthu
Login
Username

Password



Forgotten your password?
Request a new one here.
Members Online
Guests Online: 1
Members Online: 0
Total Members: 360
Newest Member: matua

Last Seen Users:
Lalthanzuala 1 week
admin 3 weeks
lrce07 9 weeks
mixotlangval 11 weeks
Vanlalngaia 14 weeks
Creator 27 weeks
Joxef Sco... 39 weeks
Dina 45 weeks
Ricky Lal... 47 weeks
shabito 66 weeks

Young Mizo Association (YMA)

young Mizo Association (YMA) as it is popularly known today was formerly called Young Lushai Association (YLA) when it was formed in June 15, 1935 by the Christian missionaries and the pioneer Mizo Christians. Inspite of countless terrors and resistance against Christianity which found its roots in Mizoram in 1894, the entire region was swept by Christianity within a decade. Even the chiefs and their subordinates started to recognize and embrace it . Various churches and institutions came into existence resulting in the decline of the Zawlbuk (Bachelor’s dormitory) which was one of the most esteemed establishment among the Mizos. While the number of participants in schools and churches increased, the attendance in Zawlbuk met a drastic fall. The attempt of the Governor to bring about revival in the Zawlbuk institution had no significant outcome, thus the most valued institution came to a sad end.


YLA Indin tan dan
Kan ramah Chanchin tha a lo luh atanga kum sawmli chhung (i.e. 1894-1934) khan a pumpui thlirin Mizo khawtlang nun chu Kristianna hian a hruai hle tawh a. Lalleh Upaho rilru pawh Kristianna dodal zawnga kal sawi tur a awm tawh meuh lo. British sawrkar rorelna hnuaiah khan chhung lam leh pawn lamah ral a muang a, mipui an zalen em em a. Tualchhung buaina neuh neuh leh harsatna tenau dangte chu awm ve bawk mahse chung chu a ram nghina nghinpui tham a ni lo va, rillpui phiara han phiar chi ani hek lo. Mizoram khawtlang nun chu a nuamin a zalen a ni.

Hun hlui Mizo nun nen khaikhinin chutiang chu ni mahse hun thar Mizote tan tih tur leh hmabak a la tam hle. Ram awptu tharte’n inawpdan thar hmangin mipui min hruai a, sakhaw tharin ram a la duai duai a, zirna thar avangin rualel dan a inthlak danglam vek bawk. Khawvel kan thlir dan te, Pathian leh Mihring kan thlir dante chauh pawh ni lovin kan ngaihhlut zawng, kan intlansiakna nen lam a danglam ta a ni. Khaw nghet nei lova insawn reng hnamin khaw nghet kan neih atang khan thlanmual siam hranpa te a han tul pang mai a, Bawrhsap, thupekin 1930 atang khan khawtin hi thlanmual neihtir kan ni ta a ni. Chutia mihring khawsakdan lo danglam ta chuan mamawh chi thar leh tul dang a siam ‘hnem em em mai a, hun leh thil awmdan lo thar ta chuan YLA din kha a rawn ti tul ani, kan ti thei ang. Dik takchuan loh theih lohvin a rawn nawr chhuak ani zawk e. YLA din rawn titultu leh rawn nawr chhuaktu thil chu hengte hi a ni ngei mai.

1.     Zawlbuk chim: Mizo fate inzirna sang ber Zawlbuk hi Biak-In leh sikulin a rawn luahlan a ni brim mai a. Biak-Ina lawi leh Sikula lut an pun telh telh lai khan Zawlbuk luah hulumtute kha an tlemin an thawl riai riai thung a ni. Rei loteah Zawlbuk a ruak ta nual reng a. Bawrhsap hova tun din an tum sa teh chungin Bawrhsap thu vekin 1938 khan Zawlbuk chu official angreng deuhva vui liam a lo ni ta. Chutia Mizo tlangvalho nun chherna leh inthununna khurpui ber a lo chim takah chuan hun thar thalaiho nun kaihruaitu tur pawl din a lo tul ta a. YLA an din hma fe atang khan mi hmasate khan he thu hi an sawi zauh zauh tawh thin reng a ni.

2.     Hnam thila harhna: Mizo zirlai, Calcutta leh Gauhati leh Shillong lama awmte’n 1926 lam atang tawh khan ‘Lushai Student Association’ indinin bul an tan a, hnam rilru kaithotu hmasa an ni. Chu chuan thu leh hla (literature) lama harhna keng telin an hotu ber pakhat Buchhawna chuan 1930 khan ‘Mizo Hla’ bu a chhuah a. Serkawn lamah 1932 vel atangin Concert Movement lianpui a lo chhuak leh a. Hmun tin maia Mizo Hla Thar an hlimpui. vanglai a ni a, Aizawl lama Students Re-Union ni khuaa an infuihnate leh heng thil infawmkhawm hian ram pum rilru leh sukthlek a siam a, mite’n hnam rilru an rawn pu tan ta a ni. Mizoram pawn hi chu khanglai kha chuan ‘foreign’ an ti mai fo. Heng atang hian Mission lamin an khawih thlen chiah lo khawtlang thil eng emaw vei thar a lo chhuak a, mi rilruin YLA lam a hawi tawh hle tih theih a. ni.

3.     McCall-ahuvang: He. Bawrhsap hi 1931 October khan lo chhuakin 1943 thlengin Zoram awptu a ni. Ani hian Khawtlang Hmasawnna Ngaihtuah Pawl (Village Welfare Committee) khawtinah rawn dinin hmasawnna beihpui a rawn thlak a, khawtlang thilah sulhnu a ngah hle. A lo chhuah tirh lamah Red Cross Society te, Cottage Industries Board te a din ,bawk a, khua leh tui tha nihna kawnga kaihhruaina ‘Khaw Dan Sawm’ a siam bawk a. He Dan Sawm hi tlang tinah mipuiin Lalhovin an sawi rual dual dual thin. Khawtlang tana thahnemngaihna leh hmasawnna kawngah mipui mit a tivar a, kha Bawrhsap kha mipui hawiher tidanglamtu pakhat a tling ve a ni. Hmasawnna dal thei tur nia ngaiin harhna pawh na tawkin a hrut a, dim lo tak a ni. A hun chhung leh a huvangah hian pawl chi hrang hrang, Serkawn Singing Committee, Lungleh Association, Aijal Badminton Association leh Lushai Student Association te pawh din a ni a, ‘Khawtlang Thila Harhna thlentu Bawrhsap’ tih a phu hial awm e.

4.     Kohhran leh Sorkar inkungkaihna: Hei hi a that tawk loh avangin hotute’n mangan rukna an nei ve thin. A tlangpuiin Sorkar hnathawkte’n kohhran mitmei venna an nei tlem a. An hna avanga chung en an hlawh lain zu leh sa, mipat-hmeichhiatna kawngah hmasawnna daltu ang deuha hmuh an ni thin. An awmdan fel tawk loh avang chuan kohhran mi leh sawrkar mite inkawmngeihna a tlem a, khawtlang thila tanrualna tha pawh a awm thei lo. Inep dawn dawna a kal changte pawh a awm thei hial a, harsatna nasa zawk a thlen hmaa pawl thar din tula hriatna a lo awm ta a ni. An kara thu lai sawi tur, mitin ang khata an tel theihna tur, Kristianna leh khawtlang nunin a mamawh ve ve si rel chhuah an mamawh a, rilruin an dap mek.

5.     Mission rilru thar: Khang hun lai kha harhna avanga Mizo kohhran chhangchhiat lai tak a ni ve a; thlarau lam ze nawi tinreng avangin tlangtin an buai a ni ber mai. Hotute lu pawh a hai a ni ang, May 29- 2 June, 1935 chhung khan Aizawlah Hmarchan kohhran rawngbawltu zahnih rual zet mai te chu ko khawmin thu an zirho ta mup mup mai. An thupui chu ‘Khawtlang Tihthat’ (Social Development) an ti mai a, chu chu then darhin mi hrang hrangin heng - Hnathawh Ropuizia, Hmeichhe Ropuizia, tih leh Sakhaw Tihthat tih thupui te hi an sawi a, an ngaithla a, an sawiho zel bawk a, an bei nasa hle. Kristianna hi van lam hawi chauh ni lovin lei nun, khawtlang nun luhchilh zawnga kalpui turin an infuih uar ber a. Hengho hi YLA nau paiin an tiak theuh ang tih rin a har lo ve.






Latest Comments